Liturgical Calendar

Daily Readings for Monday July 22,2019

Gospel, മത്താ 12:38-42 : യോനാ പ്രവാചകന്‍റെ അടയാളം.

അപ്പോള്‍ ചില നിയമജ്ഞരും ഫരിസേയരും ഈശോയോടു പറഞ്ഞു: ഗുരോ, നിന്നില്‍നിന്ന് ഒരട യാളം കാണാന്‍ ഞങ്ങള്‍ ആഗ്രഹി ക്കുന്നു. അവന്‍ മറുപടി പറഞ്ഞു: ദുഷിച്ചതും അവിശ്വസ്തവുമായ തലമുറ അടയാളം അന്വേഷിക്കുന്നു. യോനാപ്രവാചകന്‍റെ അടയാളമ ല്ലാതെ മറ്റൊരടയാളവും അതിനു നല്കപ്പെടുകയില്ല. യോനാ മൂന്നു രാവും മൂന്നുപകലും തിമിംഗല ത്തിന്‍റെ ഉദരത്തില്‍ കിടന്നപോലെ, മനുഷ്യപുത്രനും മൂന്നു രാവും മൂന്നു പകലും ഭൂമിക്കുള്ളിലായിരിക്കും. നിനിവേ നിവാസികള്‍ വിധിദിവസം ഈ തലമുറയോടൊത്ത് എഴുന്നേറ്റ് ഇതിനെ കുറ്റം വിധിക്കും. എന്തെ ന്നാല്‍, യോനായുടെ പ്രസംഗം കേട്ട് അവര്‍ അനുതപിച്ചു. ഇതാ, ഇവിടെ യോനായെക്കാള്‍ വലിയവന്‍! ദക്ഷിണദേശത്തെ രാജ്ഞി വിധി ദിവസം ഈ തലമുറയോടൊത്ത് ഉയിര്‍ത്തെഴുന്നേല്ക്കുകയും ഇതി നെ കുറ്റം വിധിക്കുകയും ചെയ്യും. എന്തെന്നാല്‍, സോളമന്‍റെ വിജ്ഞാ നം ശ്രവിക്കാന്‍ അവള്‍ ഭൂമിയുടെ അതിര്‍ത്തികളില്‍നിന്നു വന്നെത്തി. ഇതാ, ഇവിടെ സോളമനെക്കാള്‍ വലിയവന്‍.


Reading 3, 2 കോറി 2:5-11 : കുറ്റക്കാരന് മാപ്പുകൊടുക്കുക.

 ആരെങ്കിലും വേദന ഉളവാക്കിയെങ്കില്‍ എന്നെയല്ല വേദനിപ്പിച്ചത്; മറിച്ച്, ഒരു പരിധിവരെ - അതിശയോക്തി കൂടാതെ പറഞ്ഞാല്‍ - നിങ്ങളെല്ലാവരെയുമാണ്. അങ്ങനെയുള്ളവന് ഭൂരിപക്ഷംപേര്‍ നല്കുന്ന ഈ ശിക്ഷ ധാരാളം മതി. അതുകൊ ണ്ട്, അവന്‍ അഗാധ ദുഃഖത്താല്‍ ഗ്രസിക്കപ്പെടാതിരിക്കേണ്ടതിന് നിങ്ങള്‍ അവനോട് ക്ഷമിക്കുകയും           അവനെ ആശ്വസിപ്പിക്കുകയും വേണം. അവനോടുള്ള സ്നേഹം ഉറപ്പുവരുത്തണമെന്ന് ഞാന്‍ നിങ്ങളോട് അഭ്യര്‍ത്ഥിക്കുന്നു. എല്ലാ കാര്യങ്ങളിലും നിങ്ങള്‍ അനുസരണമുള്ളവരാണോ എന്നു പരീക്ഷിച്ചറിയാന്‍ വേണ്ടിയാണ് ഞാന്‍ എഴുതിയത്. നിങ്ങള്‍ ക്ഷമിക്കുന്നവനോടു ഞാനും ക്ഷമിക്കുന്നു. ഞാന്‍ ആരോടെങ്കിലും, എന്തെങ്കിലും ക്ഷമിച്ചിട്ടുണ്ടെങ്കില്‍, അതു മിശിഹായുടെ സാന്നിധ്യത്തില്‍ നിങ്ങള്‍ക്കു വേണ്ടിയാണ്. ഇതു സാത്താന്‍ നമ്മെ  വഞ്ചിക്കാതിരിക്കാനാണ്.  അവന്‍െറ തന്ത്രങ്ങളെപ്പറ്റി നമ്മള്‍ അജ്ഞരല്ലല്ലോ.